De Vrij arrin marrëveshje për kontratën e re me Interin

23:42 | 13 Qershor 2023
Orgesa Haziri

Inter thuhet se ka arritur marrëveshje me Stefan de Vrij për të nënshkruar një kontratë të re dyvjeçare, brenda disa ditësh nga skadimi i marrëveshjes së tij aktuale.

31-vjeçari ka qenë në Itali që kur u largua nga Feyenoord për Lazio në vitin 2014, më pas u transferua te Interi si lojtar i lirë në verën e 2018.

Kontrata e tij ishte gati të skadonte më 30 qershor, por Sky Sport Italia pretendon këtë mbrëmje se qendërmbrojtësi ka rënë dakord për një marrëveshje të re për të qëndruar në San Siro.

Kjo kontratë e fundit pritet të zgjasë deri në qershor 2025.

Qendërmbrojtësi holandez bëri 38 paraqitje konkurruese për Interin këtë sezon dhe kontribuoi me një gol./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm